مكتبه اغاني العندليب

توبة

توبة إن كنت أحبك تاني توبة
بس قابلني مرة وتبقى دي آخر نوبة وبعدها توبة
توبة إن كنت أخاصمك وأرجع أصالحك تاني
ياما البعد سقاني وياما القرب ضناني
وإن فات طيفك يوم في منامي وجه صحاني
برضه أصالحك بس أهي نوبة وبعدها توبة

توبة إن كنت حصدق تاني كلامك
مهما حتسأل مش راح أصدق حتى سلامك
بس أوعدني أوعى تبكي وأنا قدامك
أحسن أكذب روحي وأقول أهي نوبة وبعدها توبة

آه من حيرة قلبي وآه من دمعة عيني
كل ما أقول أنساك توحشهم نارك وتصحيني
أجري وأسأل عنك قبل ما انت تجيني
أضحك نوبة وأبكي نوبة وبعدها توبة

**************************************************

عدى النهار

عدّى النهار .. و المغربية جايّة
تتخفّى ورا ضهر الشجر
و عشان نتوه في السكة
شالِت من ليالينا القمر

و بلدنا ع الترعة بتغسل شعرها
جانا نهار مقدرش يدفع مهرها
يا هل ترى الليل الحزين
أبو النجوم الدبلانين
أبو الغناوي المجروحين
يقدر ينسّيها الصباح
أبو شمس بترش الحنين؟
أبداً .. بلدنا ليل نهار
بتحب موّال النهار
لما يعدّي في الدروب
و يغنّي قدّام كل دار

و الليل يلف ورا السواقي
زي ما يلف الزمان .. و على النغم
تحلم بلدنا بالسنابل و الكيزان
تحلم ببكرة .. و اللي حيجيبه معاه
تنده عليه في الضلمة و بتسمع نداه
تصحى له من قبل الأدان
تروح تقابله في الغيطان
في المصانع .. و المعامل .. و المدارس .. و الساحات
طالعة له صحبة .. جنود
طالعة له رجال .. أطفال .. بنات
كل الدروب واخدة بلدنا للنهار
و احنا بلدنا ليل نهار
بتحب موال النهار
لما يعدي في الدروب
و يغني قدّام كل دار

**************************************************

عشانك يا قمر

عشانك يا قمر أطلع لك القمر
مدام هواك أمر أطاوعك يا قمر
بحبك يا قمر
لأطويلك السما على جناح الهوى
روحي المغرمه وقلبي اللى انكوى
واسمعك كلام ما يقوله إلا أنا
كلامي في الغرام من جنة حبنا
قمر سلمته قلبي سلمني للسهر
وبنوره شفت حبي ارحمني يا قمر
حرام يضنيني حبك وعندك الدوا
جمال كلمه لما نقولها سوا

**************************************************

عقبالك يوم ميلادك
عقبالك يوم ميـــــــــــــــــلادك
لما تنول اللي شغل بــــــــــالك

يا قلبي ..


عقبال حبك لما يغنـــــــــــــــي
ودموع عيني ترقص منــــــي

وانا مرتاح البال متهنــــــــــي
لما تشوف الناس جايّـــــــــالك

عقبالك يوم ميلادك ..


عمر حياتي عمر هوايـــــــــــا
نظره وكلمه .. تقابلو معايـــــا

وسنين حبي هيه هنايـــــــــــا
كتبو اول يوم في مـــــــــلادك

عقبالك يوم ميلادك ..


يا مفرقين الشمـــــــــــــــــوع
الحب عمره سنــــــــــــــــــــه
والقلب عاش ميت سنـــــــــــه

قلبي نصيبه فيـــــــــــــــــــــن
والهجر عمره سنيـــــــــــــــن
والفرح له ساعتيـــــــــــــــــن

عقبالك يوم ميلادك ..

قالو لي يوم ميــــــــــــــــلادك
لما تنول اللي شغل بــــــــــالك

يا قلبي ..

**************************************************
على حسب وداد قلبي

على حسب وداد قلبي يا بوي .. راح أقول للطير سلامات
ضيعت عليه العمر يا بوي .. وأنا لي معاه حكايات
على حسب وداد قلبي يا بوي
موال الصبر أهو داب .. من يوم الحب ما غاب
ولا عمري يا عين يا ليل يا عين .. يا ليل ما تقرب لينا أحباب
وأنا صابر على المقسوم .. يمكن يرجعلي في يوم
وتكون لي معاه تاني يا بوي .. أيام حلوة وحكايات
على حسب وداد قلبي يا بوي
على حسب الريح ما يودي الريح ما يودي
وياه أنا ماشي ماشي .. ماشي ولا بيدي
معرفش إن كنت مروح .. ولا إمتى الهوى هايهدى
وأهي دنيا بتلعب بينا .. يمكن ترجع غناوينا
وتكون لي معاه تاني يا بوي.. أيام حلوة وحكايات
على حسب وداد قلبي يا بوي
لا هاسلم بالمكتوب .. ولا هارضى أبات مغلوب
وحقول للدنيا يا دنيا .. أنا راجع أنا راجع للمحبوب
ونغني أغاني جديدة .. مليانه حكاوي سعيدة
ونغزل توب الفرحة يا بوي .. وأقول يا حبيبي سلامات
سلامات .. سلامات .. سلامات
على حسب وداد قلبي يا بوي


************************************************** **

على قد الشوق

على قد الشوق اللي في عيوني.. يا جميل سلم
وانا يا ما عيوني عليك سألوني.. ويا ما بتألم
وبخاف لتصدق.. لوم الناس واحتار
أوصف للناس.. الجنة وانا في النار
على قد الشوق اللي في عيوني.. يا جميل سلم
الليل سهرته والنوم.. يا ريته كحل عيني
واللي داريته قوام.. لقيته باين علي
شبابي الغالي ضيعته.. أناجي في الهوا اسمك
وأملي لما صورته.. في أجمل صورة كان رسمك
غالي علي وضي عيني.. ارحم عذابي معاك
على قد الشوق اللي.. في عيوني يا جميل سلم
صابر وعمري ايامه.. تجري وناسي روحي
اللوم رضيته واللي.. جنيته سهدي وجروحي
شبابي الغالي ضيعته.. أناجي في الهوى اسمك
وأملي لما صورته.. في أجمل صورة كان رسمك
غالي علي وضي عيني.. ارحم عذابي معاك
على قد الشوق اللي في عيوني.. يا جميل سلم
دمعي شهودي جرح.. خدودي في ليل سهادي
أكتم وأخبي واخلص.. في حبي صاين ودادي
شبابي الغالي ضيعته.. أناجي في الهوا اسمك
وأملي لما صورته.. في أجمل صورة كان رسمك
غالي علي وضي عيني.. ارحم عذابي معاك
على قد الشوق اللي في عيوني.. يا جميل سلم


************************************************** **

عيني ضناها السهر

عيني ضناها السهر.. من حبك قلبي جفاني
عيني ضناها السهر
بعد المحبة نكر..بعده تناسى حناني
بعد المحبة نكر.. عيني ضناها السهر
ما رد حتى خبر.. محبوب قلبي نساني
ما رد حتى خبر.. عيني ضناها السهر
امتى يعيد النظر.. من سنين حلو المعاني
امتى يعيد النظر.. عيني ضناها السهر
ما عاد فينا صبر.. جاني ترى ما كفاني
ما عاد فيناصبر.. عيني ضناها السهر
يا سيد كل السمر.. اذكر ليالي التداني
يا سيد كل السمر.. عيني ضناها السهر

**************************************************

فاتت جنبنا
فاتت جنبنا أنا وهوه .. وضحكت لنا أنا وهوه
رديت وكمان رديت .. وفضلت أرد لحد ما فاتت
ونسيت روحي وصحيت .. أتاريها خذت الشمس وغابت
وانشغلت وقبل ما يطول انشغالي
رحت سائل روحي واحترت في سؤالي
أنا بافكر ليه وبشغل روحي ليه
أعرف منين إنها قاصداني أنا مش هو
وأعرف منين أن الضحكة دي مش له هو .. وليه أنا ليه مش هو
مرة ثانية برضة صدفة .. كنت أنا وهو في طريقنا
شفنا خطوة حلو جاية .. وضل تالت بيسابقنا
التفت لقيتها هية .. حاجة مش معقولة هيه .. هيه
وابتديت أسمع في قلبي .. لحن حب جديد عليَّ
سمعت منها كام كلمة .. ما قالتش منهم ولا كلمة
بس أنا حسيت .. ولأول مرة باعيش وأحس
ولقيتني بدوب في كلام الهمس .. اللي مالوش حس
ضحكت تاني نفس الضحكة .. وراحت ماشية
زي الدنيا ما تيجي في ثانية .. وتمشي في ثانية
بصيت لصاحبي لقيته .. جنبي وما هوش جنبي
عايز يقول كلمة .. اتقالت جوه في قلبي
كنت عايز أسأله .. هو كمان حس بيها وانشغل هو كمان
ورجعت أقول أنا بافكر ليه .. وباشغل روحي ليه
أعرف منين أنها قصداني .. أنا مش هو
وأعرف منين أن الضحكة دي .. مش له هو وليه أنا ليه مش هو
روحت أنا روحت .. روحت ومش عارف مالي
ما اعرفش إيه اللي جرالي
فرحان عايز أضحك .. مهموم عايز أبكي
لا دموعي طايلها .. ولا لاقي حتى أشكي
حبيتها أيوه أنا حبيتها .. مش قادر أنسى ضحكتها
مش يمكن دي فرحة عمري .. والفرحة ما صدقت لقيتها
كان فين اليوم ده غايب عني .. كان فين تسلم لي وتسلم ضحكتها
وبعد يومين ابتدا قلبي .. يصحى من الفرحة وصحاني
يسألني امتى ح نشوفها .. وأنا أقول له نشوفها فين تاني
والليالي دوبتني وشيبت فكري وظنوني
لما طيف الغيرة شوفته .. بيترسم قدام عيوني
إن لقيت صاحبي بيضحك .. أقول دي لازم قابلته
وإن لمحت في عينه شكوى .. أقول دي لازم خاصمته
ما لقتش طريق قدامي يرحمني من العذاب
غير إني أدور وأسال .. وأعرف منها الجواب
وعرفت طريقها عرفته .. وشقيت على بال ما عرفته
وبعت كلمتين مش أكتر من سطرين ..
قلت لها ريحيني قولي لي أنا فين ..
وجاني الرد جاني لقيتها بتستناني .. وقالت لي أنا من الأول
باضحك لك يا اسمراني
أنا .. أنا أيوه أنا أنا أنا مش هوه
____________


************************************************
في يوم في شهر في سنة


في يوم في شهر في سنة
في يوم في شهر في سنة .. تهدى الجراح وتنام
وعمر جرحي أنا.. أطول من الأيام
وداع يا دنيا الهنا .. وداع يا حب يا أحلام
دا عمرو جرحي أنا ..أطول من الأيام
حبيبي شايفك وأنت بعيد..وأنا في طريق السهد وحيد
وكل خطوة في بعدك ليل..وشوق وذكرى وجرح بعيد
حبيبي شايفك..بروحي شايفك
بقلبي شايفك.. بحبي شايفك
شايف سلامك شايف ..كلامك ضحكة شفايفك
شايفك وليل الفراق..ع البعد فارد جناحه
على جريح مشتاق ..يعرف نهاية جراحه
في يوم في شهر في سنة
كنت أتمنى يطول العمر .. واعيش حواليك
ولاشوف بعدي دمعة ..حزينة تملأ عينيك
لو كان بأيدي كنت أفضل جنبك .. وأجيب لعمري ألف عمر وأحبك
يا فرحة كانت ماليه عينيه..واستكترنها الدنيا عليه
يا حبيبي راح اللي راح ..وفرقتنا الليالي
ومهما أداري الجراح.. حتعرف اللي جرالي
في يوم في شهر في سنة

************************************************** *
في يوم من الايام
في يوم من الايام ..كان لي قلب
ويا المحبة هام ..وياريت ماحب
قسوة حبايبي مغلباني اوعى يا قلبي تحب تاني
في يوم من الايام
أنا كنت هواه وحبيبه ..روحي وقلبي حواليه
لو كان الدمع يجيبه .. كنت أبكي العمر عليه
لا صوتي يسمعه .. ولا دمعي يرجعه
قسوة حبايبي مغلباني .. أوعى يا قلبي تحب تاني
في يوم من الايام
فين راح الشوق من قلبه .. والرقة والحنية
اللي حيتهنى بحبه .. لو يعرف يبكي عليه
لا عاد يفيد ندم عليه ولا ألم
قسوة حبايبي مغلباني .. اوعى ياقلبي تحب تاني
في يوم من الايام
وحياة حبك ياناسيني .. ياريت ياحبيبي أنسالك
أنا كل طريق في عيوني .. علمته بذكرى معاك
ياناسي حبنا .. راح أعمل إيه أنا
قسوة حبايبي مغلباني .. اوعى ياقلبي تحب تاني
في يوم من الايام

قارئة الفنجان

جلست والخوف بعينيها
تتأمل فنجاني المقلوب
قالت يا ولدي لا تحزن
فالحب عليك هو المكتوب
يا ولدي قد مات شهيداً
من مات فداء للمحبوب
يا ولدي

بصرت ونجمت كثيراً
لكني لم أعرف أبداً فنجاناً يشبه فنجانك
بصرت ونجمت كثيراً
لكني لم أعرف أبداً أحزاناً تشبه أحزانك
مقدورك أن تمضي أبداً في بحر الحب بغير قلوع
وتكون حياتك طول العمر كتاب دموع
مقدورك أن تبقى مسجوناً بين الماء وبين النار
فبرغم جميع حرائقه
وبرغم جميع سوابقه
وبرغم الحزن الساكن فينا ليل نهار
وبرغم الريح .. وبرغم الجو الماطر والإعصار
الحب سيبقى يا ولدي أحلى الأقدار
يا ولدي

بحياتك يا ولدي امرأة
عيناها سبحان المعبود
فمها مرسوم كالعنقود
ضحكتها أنغام وورود
والشعر الغجري المجنون
يسافر في كل الدنيا
قد تغدو امرأة يا ولدي يهواها القلب
هي الدنيا

لكن سماءك ممطرة
وطريقك مسدود مسدود
فحبيبة قلبك يا ولدي
نائمة في قصر مرصود
من يدخل حجرتها .. من يطلب يدها
من يدنو من سور حديقتها .. من حاول فك ضفائرها
يا ولدي مفقود .. مفقود
ستفتش عنها يا ولدي في كل مكان
وستسأل عنها موج البحر وستسأل فيروز الشطآن
وتجوب بحاراً وبحارا .. وتفيض دموعك أنهارا
وسيكبر حزنك حتى يصبح أشجارا

وسترجع يوماً يا ولدي
مهزوماً مكسور الوجدان
وستعرف بعد رحيل العمر
بأنك كنت تطارد خيط دخان
فحبيبة قلبك يا ولدي
ليس لها أرض أو وطن أو عنوان
ما أصعب أن تهوى امرأة يا ولدي
ليس لها عنوان



************************************************** *
قوللي حاجة
قوللي حاجة أي حاجة ..قول بحبك قول كرهتك
قول قول قول وما يهمكش حاجة
قوللي عايزك ..قوللي بعتك
بس قوللي أي حاجة يا حبيبي
عمري ما تعودت تبقى معايا ..وتفكر لوحدك عمري
دا احنا الاتنين قلب واحد.. دقته عندي وعندك
وانت قلبي وانت أملي .. قوللي مالك ساكت ليه
قول يا قلبي .. قول يا أملي.. قول مخبي عليه ايه
قول يا قلبي .. قول يا أملي.. قول مخبي عليه ايه
قوللي حاجة..
لو في قلبك شكوى مني .. اشكي مني لوم علي
وإن لقيت الحق عندي .. أديهولك من عنيه
وانت قلبي وانت أملي .. قوللي مالك ساكت ليه
قول يا قلبي قول يا أملي .. قول مخبي عليه ايه
قول يا قلبي قول يا أملي ..قول مخبي عليه إيه
كل كلمة كل همسة..روحي دايما شايلها لك
كل دمعة ..كل فرحة..أجري دايما وأحكيها لك
وانت قلبي وانت أملي .. قوللي مالك ساكت ليه
قول يا قلبي قول يا أملي .. قول مخبي عليه ايه
قول يا قلبي قول يا أملي ..قول مخبي عليه إيه
إيه ..إيه
قوللي حاجة أي حاجة .. قول بحبك قول كرهتك
قول قول.. قول وما يهمكش حاجة
قوللي عايزك قوللي بعتك ..بس قوللي أى حاجة يا حبيبي


**************************************************

كامل الأوصاف

كامل الأوصاف فتنـِّي
والعيون السود خدوني
من هواهم رُحْت أغنـِّي
آه يا ليلي آه يا عيني
يا ليل
العيون السود .. رموشهم ليل
ليل بيحلم باللي غايب
والعيون السود .. خدوني
آه يا قلبي ياللي دايب
علـِّموك تسهر تغنـِّي
علـِّموك شوق الحبايب
ليه يا قلبي ليه
ليه خدوني ليه
توِّهوني
غرَّبوني
العيون السود
ليه .. ليه خدوني
قالوا الصبر .. بحورُه بعيده
قالوا شفايفـُه .. نايات بتقول تنهيده
وسهرت أستنـَّى
والنجم معايا
دوِّبني ودُبْنا
في عيون نسَّايه
ليه يا قلبي ليه
ليه خدوني ليه
توِّهوني
غرَّبوني
العيون السود
ليه .. ليه خدوني

************************************************** **

كان فيه زمان قلبين
كان فيه زمان قلبين .. الحب تالتهم
فردوا الهوا جناحين .. والدنيا ساعتهم
ضحكت لهم يومين .. وفي ليلة خانتهم
اتفرقوا الاثنين .. في عز فرحتهم
ليه وعشان إيه .. كل ده يجرى ليه
ليه...
كانوا اتواعدوا مع الفرحة .. في ساعة والزمن غفلان
وبعد الفرحة اتعاهدوا .. يعيشوا في أمل وحنان
زمن خاين غدر بيهم .. كانوا فاكرينه ناسيهم
أتاري الدنيا وأتاريهم....
بيتواعدوا على فرقة .. ويتعاهدوا على حرمان
ليه وعشان إيه .. كل دا يجرى ليه
ليه...

************************************************
كفاية نورك علي
كفاية نورك علي نور لي روحي وقلبي
خلاني شفت بعنيه اللي انكتب لي في حبي
قريت على ضيك كلام جميل زيك
كفاية نورك علي
إزاي قابلتك وإزاي عرفتك وفين وإمتى
نسيت زماني ونسيت مكاني وفاكرك أنت
نسيتني همي نسيتني اسمي عملت إيه أنت في
كفاية نورك علي
نور لي روحي وقلبي خلاني شفت بعنيه اللي انكتب لي في حبي
قريت على ضيك كلام جميل زيك
كفاية نورك علي
إن كان دا حلم دا يبقى جميل خليني أحلم فيه على طول
بلاش تصحيني وتصحي أوهامي
سيبني يا نور عيني عايش فى أحلامي
والعمر كله ليلة حلوة وجميلة لقيتها في الليلة ديه
كفاية نورك علي نور لي روحي وقلبي
خلاني شفت بعنيه اللي انكتب لي في حبي
قريت على ضيك كلام جميل زيك
كفاية نورك علي

************************************************** *
كنت فين

كنت فين وأنا فين جيت لي منين
والأيام دي كانت غايبه عني فين
نظرة عين فايته القلب وفيه جرحين
من حلاوتهم قلت يا ريت كان لي قلبين
كنت فين
قلبي وقلبك كانوا بعيد عمر ما كان بينهم مواعيد
يوم ما قابلتك كان يوم عيد
شفت أنا حلمه من سنتين
وكلام ساعتين فات في دقيقتين
وقالوه نوبتين قلبين وروحين فين
كنت فين
كلمة اتقالت وأنا رديت لحن اتغنى وأنا غنيت
رحت أسأل عن حالي لقيت
وتر القلب انقسم اتنين
وكلام ساعتين فات في دقيقتين
وقالوه نوبتين قلبين وروحين فين
كنت فين
أول مرة قابلت هواك كنت نسيت كلمه وياك
أنا دلوقت شايفها معاك
هاتقولها لي امتى و فين
ده كلام ساعتين فات في دقيقتين
وقالوه نوبتين قلبين وروحين
كنت فين


************************************************** *
لست قلبي

انت قلبي لا تخف و اجب هل تحبها؟

و الى الآن لم يزل نابضا فيك حبها؟

لست قلبي انا اذن انما انت قلبها

كيف يا قلب ترتضي طعنة الغدر في خشوع

و تداري جحودها في رداء من الدموع

لست قلبي و انما خنجر انت في الضلوع

اوتدري بما جرى ؟ اوتدري دمي جرى

اخذت يقظتي و لم تعطني هدأة الكرى

جذبتني من الذرى و رمت بي الى الثرى

قدر احمق الخطا سحقت هامتي خطاه

**************************************************
لقاء

بعد عامين التقيناها هنا والدجى يغمر وجه المورد
وشربنا النور يخبو حولنا وسبحنا فى هلال الموكب
وانتهينا وتبعنا ظلنا دمعنا ينطق واللحظ رضى
آه لو تدرين ما أكتم في دمي يا واحة المفترق
كانت الذكرى عزائي زمنا يوم فارقت زماني نفحات
كنت أودع قلبي الشجنا أتعزى في ليال ذكريات
وتعللت بفجر قد دنى يطلع الشمس نور سمات
ثم هنا نحن التقينا ها هنا والدجى يغمر وجه المورد
لست أنساك غراما في دمي ومنى عمري وآمل وجدي
وصباحا نام في المبتسم وشعاعا فتنه المتقد
يا غرامي في الطريق المظلم يا غرامي خالدا للأبد
في عيوني فرحة مشرقة والدجى يغمر وجه المورد

ليه تشغل بالك

ليه تشغل بالك ليه ليه .. على بكره وتبكي عليه ليه
مين عارف ح يكون ايه .. مين عارف
اضحك وافرح من قلبك .. وانسى الدنيا وما فيها
خللي الايام تفرح بك .. وانت كمان افرح بيها
افرح بشبابك واتهنى .. ح تلاقي الدنيا بقت جنة
ليه تشغل بالك ليه ليه .. على بكره وتبكي عليه ليه
مين عارف ح يكون ايه .. مين عارف
ياما ناس بيشوفوا أسيه .. أيام وليالي طويلة
وفي غمضة عين والتانية .. لياليهم تبقى جميلة
أفرح بشبابك واتهنى .. حاتلاقي الدنيا بقت جنة
ليه تشغل بالك ليه ليه .. على بكره وتبكي عليه ليه
مين عارف ح يكون ايه .. من عارف

************************************************

ما تصدقنيش

ما تصدقنيش لو كنت با قول إني كرهتك
دا أنا قلبي ما فيش غير حبك فيه مهما خاصمتك
وإن قلت داريت وإن قلت جافيت ما تصدقنيش ما تصدقنيش
عشرة هواك وأيام حبك غالية علي
وأنا اللي طول عمري بحبك زي عنيه
وطبع حسنك وراني قلوب كتير بسنين جنبك
وخوفي منك خلاني ع النظرة والكلمة بحاسبك والشك والغيرة
خليتنا نتخاصم وفضلت أنا فى حيرة وانت تقول ظالم
وإن جيت تشوف اللي في قلبي حتلاقي فيه صورتك انت
وإن كنت تعرف إيه حبي حتلاقي حبي معاك انت
وإن قلت داريت وإن قلت جافيت ماتصدقنيش ماتصدقنيش
أشوف جمالك حواليه هل عليه ولا سلمش
وكلمة تحتار فى عنيه رايحة وجاية ما اتكلمش
حياتي بيك واهرب منك وروحي فيك وابعد عنك
حيبقى مين وياك تاني ترجع يا قاسي تحيرني وأفضل مشغول
وأنا اللي من يوم والتاني باقول يارب تصبرني وانساك على طول
وأعيش فى حالي وتعيش فى حالك وافضل فى بعدك عاشق خيالك
وإن قلت داريت وإن قلت جافيت
ماتصدقنيش ما تصدقنيش

************************************************** ****

مشغول

مشغول وحياتك مشغول.. ولآخر الأسبوع مشغول
مشغول وحياتك.. وحياتك مشغول
أنا بكرة مواعد قلبي.. حيحكي عللي مخبيه
حيحكي حكاية حبي.. حقول له عللي انا فيه
ده حكايه عمري وأيامي.. وشبابي مختار اللي قدامي
مشغول مع قلبي مشغول.. مشغول وحياتك مشغول
أنا عندي ميعاد مع صورة.. للصبح اسهر قدامها
يا ما عشت ليالي كتيرة.. فرحان بيها بكلمها
وعينيها الحلوة تكلمني.. ولأول تفكر تخاصمني
بالصورة الغالية انا مشغول.. مشغول وحياتك على طول
مشغول مشغول وحياتك مشغول
انا مشغول عني فيك.. وماليش الا انت وسيرتك
قلبي كلمني عنك.. أنا اكلم عني بصورتك
وخيالك ديما في خيالي.. مشغول وحياتك مشغول
مشغول وحياتك مشغول.. أنا مشغول بيك على طول
مشغول وحياتك وحياتك مشغول

*************************************************
مشيت على الأشواك

مشيت على الأشواك وجيت لأحبابك
لا عرفوا إيه وداك ولا عرفوا إيه جابك
رميت نفسك في حضن سقاك الحضن حزن
بأحضان الحبايب شوك يا قلبي
مشينا هنا ورحنا لهناك جينا شايلين جراحنا وبكينا
قلنا جينا مشينا هناك ورحنا اللي هناك جرحونا
جينا شايلين جراحنا وبكينا قلنا جينا
جينا لكم يللي لينا بكتب لكم خدونا
شيلوا الشوك من صدورنا والدموع من عينينا
قلبي يا بلاد غريبة بتنورها الدموع
رميت نفسك بحضن سقاك الحضن حزن
حتى بأحضان الحبايب شوك يا قلبي
يللي في ليل البعد ننسى إنه كنتوا معانا
يللي بنحلم بيكم ضحكة وإحنا حزانا
باسم هواكم لي بطفو الشمعة الباقية بليالي
باسم العطف علي بترشوا الشوك فى طريق أيامي الجايه
يا شط كان مفروش هنا وحب و أماني إزاى تسلم مركبى للحزن تاني
الدنيا غايمة في عيوني على فين يا حزن موديني
رحلة الوهم البعيدة
رحلة الحزن الجديدة
ابكي تحت الليالي والخوف ملو الدموع
قلبي يا بلاد غريبة بتنورها الدموع
رميت نفسك بحضن سقاك الحضن حزن
حتى بأحضان الحبايب شوك يا قلبى

************************************************** **

مغرور
مغرور حبيبي كثير عايز أكلمه عايز أقول له كلام يهديه يفهمه
ما رضيش يسمعني مغرور مارضيش يفهمني مغرور
حسيبه للأيام وهي تعلمه
سيبه يا قلبي يخاصمك سيبه بكره الشوق يناديه ويجيبه
تترجى مين وهو مش سامع كلامك
وتقول لمين وهو مش فايت غرامك
نسيبه يرجع لذكرياته وبكره يندم عللي فاته
قربت أقول مليته من كتر ما ترجيته
ما رضيش يسمعني مغرور مارضيش يفهمني مغرور
حسيبه للأيام وهي تعلمه
مغرور وفاكر الحب لعبة في إيده دا الحب قادر وقلوبنا تبقى بإيده
أنا مش حافرح فيه لما الشوق يناديه
أنا بس حافكره بيوم ما قلت له كلام من كل قلبي
يرضيه ويفهمه
ما رضيش يسمعني مغرور حسيبه للأيام وهي تعلمه

*********************************************-*********
موعود
موعود .. موعود .. موعود معايا بالعذاب موعود يا قلبى
موعود و دايما بالجراح موعود ياقلبى..
ولا بتهدا و لا بترتاح فى يوم يا قلبى .. و عمرك مك شفت معايا فرح
كل مرة ترجع المشوار بجرح .. والنهاردة جى تقول انسى الآهات
جى تقوللى يللا بينا الحب فات
و ميل وحدف منديله كاتب على طرفه أجيله
و أمانه يا دنيا أمانه تاخدينا للفرحة أمانه
و تخلى الحزن بعيد عنا .. و تقولى للحب استنى استنانى

***************

تانى تانى تانى حنروح للحب تانى .. و النار و العذاب من تانى
و تانى تانى تانى حنروح للحيرة تانى
و نضيع و نجرى ورا الأمانى
ويغيب القمر ونعيش السهر .. و آهات الألم فى ليالى الندم
يا ليل يا حضن السهارى .. يا للى شفت فى عينيه الدموع
و أنا دايما راجع وحيد
يا ليل يا حضن السهارى .. خلى فجر الحب يطلع بدرى
يملا مشوارنا الجديد
و أمانة يا دنيا أمانة تاخدينا للفرحة أمانة
و تخلى الحزن بعيد عنا و تقوللى للحب استنى
كورس : و ميل و حدف منديله ميل كاتب على طرفه أجيله
وأمانة يا دنيا أمانة تحدينا للفرحة أمانة
وتخلى الحزن بعيد عنا و تقوللى للحب استنى استنى

***************

و ابتدا و ابتدا المشوار و آه يا خوفى من آخر المشوار آه يا خوفى
جنة و لا نار آه يا عينى .. رايح و أنا محتار آه يا خوفى
واتقبلنا و الحياة قدام عنينا حلوة
و اتقابلنا و الكلام فوق الشفايف غنوة
كل حاجة فكرت فيها فى لحظة واحدة ردت عليها
بنظرة حلوة من عنيها
الأمان فى عنيها حسيت انى عديت للأمان
الحنان خد منى و ادفى ياللى محروم من الحنان
و القمر طالع و الخوف بعد .. و الهوى دفى و الليل سمع
و أمانة يا دنيا أمانة تاخدينا للفرحة أمانة
و تخلى الحزن بعيد عنا و تقوللى للحب استنى
كورس : و ميل و حدف منديله ميل كاتب على طرفه أجيله
وأمانة يا دنيا أمانة تحدينا للفرحة أمانة
وتخلى الحزن بعيد عنا و تقوللى للحب استنى استنى

***************

شوف بقينا فين يا قلبى .. وهى راحت فين
شوف خدتنا لفين يا قلبى .. و شوف سابتنا فين
فى سكة زمان راجعين .. فى سكة زمان
فى نفس المكان ضايعين .. فى نفس المكان
لا جراحنا بتهدا يا قلبى .. ولا بننسى اللى كان يا قلبى شوف
بتصحى الطريق خطاوينا .. و أنين السنين
و السما بتبكى علينا .. و الناى الحزين
حتى نجوم ليالينا .. و القمر غايبين
و تانى تانى تانى راجعين أنا وانت تانى .. للنار و العذاب من تانى
و تانى تانى تانى راجعين للحيرة تانى
هايمين بنجرى ورا الأمانى
و يغيب القمر ونعيش السهر .. و آهات الألم فى ليالى الندم
و أمانة يا دنيا أمانة .. تداوينا من جرح هوانا
و تخلى الحب بعيد عنا ولا نستناه ولا يستنانا
أمانة

************************************************** **

نبتدي منين الحكاية
لو حكينا يا حبيبي.. نبتدي منين الحكاية؟
احنا قصة حبنا.. ليها اكتر من بداية
عشنا فيها يا ما عشنا..شفنا فيها.. يا ما شفنا
لكن مشينا وكملنا.. مشوار الحب ووصلنا
والدنيا ما قدرت تعاندنا.. وتفرق بينا وتبعدنا
تعالى نقول لغيرنا.. أنا وانت ازاي قدرنا
نبعد عن أي عذاب.. ونعيش على طول أحباب
نحضن فرحتنا سوا.. ونخلي الحب شباب
وقابلنا انا وانت في مشوارنا.. حاجات كتير جرحت غيرنا
الغيرة وظنونها.. واللي بيجرى منها
في يوم ما قربت منا.. بعدها حبنا عنها
وقابلنا الحاسدين وشافونا.. ولا هانش عليهم يفوتونا
وقالوا علينا قالوا يا ما قالوا.. وهوانا ولا اتغير حاله
وتسافر وأسافر.. وأيام يطول السفر
وقلوبنا بتتقابل.. مع كل طلعة قمر
وان جت خطوتنا تغربنا.. حلاوة الشوق بتقربنا
ومنين يجينا الخصام؟.. ومنين يجينا البعاد؟
واحنا بين قلوبنا.. كل لحظة ميعاد
تعالى نقول لغيرنا.. انا وانت إزاي قدرنا
نبعد عن أي عذاب. ونعيش عل طول أحباب
نحضن فرحتنا سوا.. ونخلي الحب شباب
وفي لحظة وقفنا وابتدا خوفنا
ولقينا حوالينا الدنيا ضباب.. وليل وقلب جريح
زي أوراق الشجر وقت الخريف.. رماها الريح
سألنا روحنا ليه ..أكبر من حبنا.. ايه..ايه؟
لكن مطالش الخوف بينا..وعرفنا وشفنا وحسينا

أنت شايف الحب كله عيون.. وهمس لكن أنا شايف
أحلى كلام عشاق يا حبيبي.. هو كلام الشفايف
انت وانت جنبي في كل ميعاد.. بيجمعنا بتروح بعيد ويا التنهيد
وأنا بشوف لقانا هو اثنين سوا.. دايبين في لمسة ايد

بتقولي بخاف نمشي ونبعد.. دا الهوى جبار يلعب بينا
خايف من ايه؟
في اجمل إيه.. من حضن يدفينا
بتقولي شوف القمر ويايا شوف القمر
اللي كل العاشقين.. سهروا الليالي ليه
حلو القمر حلو.. بس أحلى من القمر..لو نخلي عمرنا يوم ندوق الحب فيه
واتبدد خوفنا.. من بعد وقوفنا
وبدقة قلوبنا.. عرفنا ايه الدوا
وعشنا الحب خيال.. وحقيقة سوا

************************************************** ****

نعم يا حبيبي

نعم يا حبيبي نعم أنا بين شفايفك نغم
أيامي قبلك ندم وأيامي بعدك عدم
نعم يا حبيبي
نعم يا حبيبي بحبك وأعيش ملك أمرك وإيدك
ناديني تلاقيني جنبك وتطلب حياتي أزيدك
ولو مرة ناداني قلبك سنين عمري تبقى عبيدك
نعم يا حبيبي
أقول نعم في منامي ويا ما ناداني خيالك
وحملته شوقي وسلامي وحلفته أخطر ببالك
رميت قلبي في نار غرامك وكان قلبي ماله ومالك
دنا يا ما ببكيلك وفاكرني بغنيك
نعم يا حبيبي

************************************************** ***

هي دي هي
هي دي هي فرحة الدنيا
دق يا قلبي غني يا عنيه
ابتسامتها ويا رقتها وردة بتفتح يا حلاوتها
وانت يا قلبي ياللي حبيتها أدي نظرتها لسه فى عنيه
هي دي هي فرحة الدنيا دق يا قلبي غني يا عنيه
بالي كان خالي وانشغل بالي
نظرة والتانية غيروا حالي
وابتدا عمري بالهوى الغالي
وابتدا قلبي يعرف الدنيا
هي دي هي فرحة الدنيا رد يا قلبي غني يا عنيه
العيون ديه هي احلامي
هي يا عنيه حبي وغرامي
نورها حواليه مالي أيامي
والهنا كله في العيون ديه
والمنى كله العيون ديه
هي دي هي فرحة الدنيا
دق يا قلبي غني يا عنيه