نا عايز أعرف هو أنا ليه محظور

من طرف **venus.lover** يناير 20th 2010, 10:23

أنا عايز أعرف هو أنا ليه محظور

[ندعوك للتسجيل في المنتدى أو التعريف بنفسك لمعاينة هذا الرابط]

سؤال سألته لنفسى:- "هو أنا ليه محظور؟؟" مع إن مكتوب عند الحكومة , وبطاقتى من الحكومة , وموظف فى الحكومة

طب عايز اعرف أنا ليه محظور.....فكتبت قصيدة زجلية وتخيلت موقف أنا ليه محظور!!!!

نرجع بينا لعم الغول
اللي قاعدلي فيها علطول
والمرّادي طالعلي يقول
إنى أنا قال إيه .. محظور

و في مرة راكب أتوبيس
ألاقيلك من جنبي بوليس
مسكوني و ودوني القسم
و ألاقي في الحبس عريس

شاب يا عيني في عز شبابه
و يادوب كاتب كتب كتابه
قاموا خدوه من حضن عروسته
و جابوه للحبس من بابه

انا و الله نسيت جيت ليه
و قعدت مع الواد أواسيه
قلت يا ناس و الله عجايب
دي بلدنا مش بلد البيه

قمت قابلت سعادة الباشا
و سألته أنا ليه محظور
قاللي بتشتم في الامباشا
و واخدلي القران دستور

أنا تنّحت في وشه دقايق
مش عارف نايم و لا فايق
من امتا القران كان ذنب
و سعادتك طب ليه متضايق

قاللي أوامر عليا يا طور
و أنا يا حمار عبد المأمور
و اكتم أحسن انادي المخبر
يديـلك خبطة بساطور

قلت يا باشا بلاش أنا ليه
طب و الشاب ده تهمته إيه
قاللي ده سارح و يّا عيال
بيقولهم النبي قال ايه

قلت يا باشا صلي و سلم
و اتتعلم ازاي تتكلم
عن سيدك و سيد الأسياد
ده رسولنا للكل مُعلم

قاللي بصوت عالي و فظيع
انتا يا سافل هتعلمني
طب ....................
...........................

ياريته شتمني و ضربني
و قتلني حتى و جلدني
إنما السافل ده أهانّي
لما أهان رسول الله

أنا ما سكتّش و في لحظتها
اديته من خير الله
اقلام شلاليت و في حموتها
اديته الختم على قفاه

بس و ما تشوفوا الا النور
مسكوني البشوات بالدور
و رموني على باب مستشفى
يمكن أموت رسمي و أغور

هو سؤال فاضل يا جماعة
مين إداهم حق الطاعة ؟
مين اداله الفرصة يبرطم
يشتم حتى رسول الله

قتل و نهب و سرقة يا ناس
و القانون يحمي و يبارك
كل ده مكتوب في الكراس
و حسابنا بعدين يا مبارك

وصف لواقعة غير حقيقة .. فعذراً إن لم يكن الوزن مظبوط أو اللحن غير تام

[/td][/tr]